இவிய்ங்களே என்ன செய்யலாம் !?

1. மீண்டும் மீண்டும் தவறுகள் செய்துவிட்டு நான் செய்ததுதான் சரி என்று நியாப்படுத்தும் ஆறறிவு ஜீவிகளைக் கண்டு மனம் வெறுப்படைகின்றீர்களா ?

2. வேகாத வெயிலில் வேர்த்து விறுவிறுக்க கால் கடுகடுக்க வரிசையில் நிற்போரை சட்டை செய்யாமல் குறுக்குவழியில் உள்ளே நுழைகின்றோரை ஓங்கி அறையனும் போல் உள்ளதா ?

3. குடி குடியைக் கெடுக்கும் எனத் தெரிந்தும் மீண்டும் மீண்டும் அத்தவறை செய்துவிட்டு தன்னையும் தன் குடும்பத்தையும் அழித்துக்கொள்வோரை நினைத்து வேதனைப்படுகின்றீர்களா ?

4. தன் கடமையை செய்வதற்காக நாக்கை தொங்கப்போட்டுக்கிட்டு ஊக்கத்தொகை கேட்டு நச்சரிக்கும் மக்கள் சேவகர்களை நினைத்து வருந்துகிறீர்களா ?

5. சாலை விதிகளை கடைப்பிடிக்காமல் வேகமாகப் பயணம் செய்து விபத்துகளை ஏற்படுத்தி அதில் தன்னையும் பிறரையும் துயரத்திற்கு இழுத்துச் செல்வோரை நினைத்து வெட்கப்படுகின்றீர்களா ?

6. பணத் தேவையுடையோரை தேடிப்பிடித்து பணத்தைக் கொடுத்து மீட்டர் வட்டி, நாள் வட்டி, வார வட்டி, மாதவட்டி, கந்துவட்டி, சீட்டு, ஒத்திக்கு போன்ற பெயர்களைச் சொல்லி பண வசூல் செய்யும் கொடூரவாதிகளின் மூஞ்சில் காறி உமிழத் தோன்றுகிறதா ?

7. சமூகத்தில் முக்கியமாகக் கருதப்படுகின்ற கல்விப்பணி, மருத்துவப்பணி போன்றவற்றில் இருந்துகொண்டு பிறருக்கு எடுத்துக்காட்ட இருக்கக்கூடியவர்கள் தவறுகள் செய்யும்போது ஏற்படும் இழப்பீடுகள் உங்களை அச்சமடையச் செய்கின்றதா ?

8. வயதான தன் பெற்றோர்களை அவர்களின் முதுமைக் கருதி ஓய்வெடுக்க அனுமதிக்காமலும், அவர்களுக்குரிய பணிவிடைகளைச் செய்யாமலும் எந்நேரமும் எரிஞ்சி விழும் சிடுமூஞ்சிக்காரர்களிடமிருந்து எட்டி நிற்க தோன்றுகிறதா ?

9. மனிதாபிமானம், அன்பு, பாசம், குழந்தைகள்,அவர்களின் எதிர்காலம், பெற்றோர்களின் கண்ணியம் என்று எதையுமே பொருட்படுத்தாமல் சுயநலம், சபலம், காமம், துரோகம் என்பதை மட்டுமே கருத்தில் கொண்டு கள்ளக்காதலில் ஈடுபடும் கேடு கெட்ட மனிதர்களைக் கண்டவுடன் கோபம் கொள்கிறீர்களா ?

10. தவறுகள் நடக்கும் இடத்தில் ஆணித்தரமாகக் தவற்றைச் சுட்டிக்காட்டி தடுக்காமல் தன் பதவியை தக்கவைத்துக் கொள்வதற்காக வளைந்து கொடுக்கும் பதவி வெறிப்பிடித்தவர்களின் போலி வேஷத்தைக்கண்டு கொதிப்படைகின்றீர்களா ?

இவிய்ங்களே என்ன செய்யலாம் !?

சேக்கனா M. நிஜாம்
இறைவன் நாடினால் ! தொடரும்...